المدير
Admin
عدد المساهمات : 2380
تاريخ التسجيل : 26/05/2010
 | موضوع: رمضان السنادى هيغير كل عاداتى !  الجمعة يوليو 09, 2010 10:26 pm | |
|
رمضان السنادى هيغير كل عاداتى !
--------------------------------------------------------------------------------
]بسم الله الرحمن الرحيم
السلام عليكم ورحمه الله وبركاته...تحيه طيبه وبعد
طبعا ده اول مشاركه ليا فى المنتدى الجميل ده
وبما اننا كلنا شباب فى بعض بيتراوح عمرنا من 17 ل 25 سنه يعنى كلنا سن واحد وفاهمين بعض كويس
طبعا كلها اسبوع وهنكون دخلنا فى احلى شهر فى السنه كلها وهو طبعا شهر رمضان الكريم وكل سنه وانتو طيبين.....مش هطول عليكو فى المقدمه لكن هدخل فى الموضوع على طول احنا هنتكلم عن مشاكل الشباب فى رمضان انا شاب زيكو اكيد فى مشاكل بتواجهنى اثناء شهر رمضان هنحاول مع بعض نلم معظمها ونتكلم عنها ونحاول نعالجها عشان نخرج من رمضان كما ولدتنا امهاتنا.
اولا هنتكلم عن مشكله السجاير ودى العاده اللى معظم الشباب مش قادر يبطلها او يخف منها انا بقولو ادى ياعم رمضان جالك اهو يعنى فرصه مش هقولك عشان تبطلها لا هقولك عشان تخف منها عالاقل يعنى ربنا مسهلهالك عالاخر كفايه انك هتشرب سجاير بالليل بس وطول النهار مش هتشرب يعنى لو بتدخن علبه فى اليوم بكده هتدخن نص علبه شايف الفرق واحد يقولى طب يبقى عملنا ايه المهم الضرر موجود اقولو ياسيدى نص العمى ولا العمى كلو ولا ايه ؟؟؟؟ وبعدين متسمعش كلام حد اللى يقولك الدخان مابيبطلش الصيام ! اذا كان اصلا التدخين بيبطل الوضوء يعنى لو متوضى وشربت سيجاره يبقى وضوءك باطل لان السجاير اساسا محرمه يبقى ازاى متبطلش الصيام بقى بالذمه ده اسمو كلام !! طب والله يا جماعه اعرف ناس كان المدفع يضرب واحنا قاعدين يقوم كل واحد فينا يروح على بيته اللى هيشرب تمر يكسر بيه صيامه ولا حاجه واحد منهم كان اول مالمدفع يضرب يقوم يطلع سيجاره ويشربها ويقول بس كده انا مش محتاج لا اكل ولا شرب تانى دنا كنت هتجنن واولع واحده طب يبقى كان صايم ازاى ده ؟؟؟دنا خايف لايكون قبل مايولعها يكون قال اللهم لك صمت وعلى رزقك افطرت ههههههه.......
تانى حاجه هنتكلم عليها واللى معظمنا بيعملهاوهى النوم اثناء نهار رمضان.....ناس كتير تيجى تقولوهم انت بتعمل ايه فى رمضان يقولك مفيش انا بتسحر وانام بعد الفجر كده واصحى والادان بيأدن اقوم افطر وبعد الفطار افوق بقى للمسلسلات....طب انا هسيبكو تردو عليه.....انا اقولو الحاجه الوحيده اللى عملتها صح فى يومك انك اتسحرت وفطرت دا اذا كنت صمت اصلا.....وبعدين ازاى انام طول النهار واقول انا كنت صايم طب تيجى ازاى يعنى بالعقل كده اجر صيامك ده مش هيكون زى اللى استحمل الصيام والجوع والعطش والحر طبعا....يقولى وانت يعنى عايزنى اعملك ايه مدام مش هنام اقولو ياسيدى اعمل اى حاجه اقعد اقرا قران شويه.......... اتلمو انت واصحابك واذكرو ربنا......امسك السبحه واتسلى شويه....اتوضى وصلى ركعتين وادعى ربنا يتقبل صيامك ويحسن ختامك...استغفر....اتصرف شوف اتحرك اعمل اى حاجه المهم ماتنامش وتضيع عليك اليوم....
فى ايه كمانفى ايه تانى كمان اه افتكرت الصلاه يا جماعه عشان خاطر ربنا ....كتير اوى مننا مش بيصلى او مش منتظم فى الصلاه او بيصلى اسبوع والتانى لا .....ياريت الصلاه مهمه اوى يعنى تخيل كده صلاه وصوم وقران بيعملو شغل جامد اوى فى ميزان حسناتك لا بقى وكلو كوم وليله القدر لوحدها دى كوم تانى دنتا كده تبقى طالع من رمضان وتقول يا ارض اتهدى ما عليكى ادى دنا صليت كل فروض ال30 يوم وخلصت القران كلو وكنت بقرا كل يوم جزء وكنت بصوم صيام سليم على اد ما بقدر وعلى قدر مابيدينى ربنا من قوه وعزم وعمرى ماعصيت ربنا فى الشهر ده وعمرى مازعلت حد منى ولو زعلت حد مش بديلو فرصه انو يزعل اوام بروح اصالحو واطيب خاطره ووكل ده والعداد شغال ورصيدك بيزيدفى الجنه ان شاء الله اللى بيقول الكلام ده بقى اللى هو اللى كان مقطع السمكه وديلها فعلا فى رمضان......
حاجه تانيه كنت عايز اتكلم عنها وهى القران....ايه رأيك لو لميت اصحابك والشله كلها وروحتو الجامع وكل واحد فيكو مسك مصحف وقعدتو كل واحد يقرا شويه والله بجد مش هتصدقو هتبقى فرحانين من نفسكو اد ايه ...طب ايه رأيك لو اخدتى صحبتك ولا بنت عمك وروحتى تعزمى خالك ولا خالتك ولا اى حد من قرايبك عالفطار واد ايه هتبقو فرحانين باللمه وادى صله الرحم .....
يا جماعه بالله عليكو لازم نخرج من رمضان ربنا مبسوط مننا وفعلا لازم نعمل حاجه ونتحدى نفسنا واتحدى اصحابك وشوف مين هيسابق التانى فى انه ينهى القران كام مره خلال رمضان....وانتى كمان ماتنسيش فرض ربنا وتنشغلى بالمسلسلات والتليفزيون......
على فكره انا متأكد ان فى حاجات كتير اوى نسيتها وانا بتكلم ومستنى ردودكم تقولولى انا نسيت اتكلم عن ايه.....
29 | |
|
ظنى بربى جميل
عدد المساهمات : 722
تاريخ التسجيل : 13/06/2010
الموقع : نسائم الرحمه
| | موضوع: رد: رمضان السنادى هيغير كل عاداتى ! السبت يوليو 10, 2010 5:23 pm | |
|
الله يجزاكـ الخير يارب
{وَقالَ رَبُّكُمُ ادْعُونِي أَسْتَجِبْ لَكُمْ إِنَّ الَّذِينَ يَسْتَكْبِرُونَ عَنْ عِبادَتِي سَيَدْخُلُونَ جَهَنَّمَ داخِرِينَ}
أخواني وأخواتي أعضاء منتدانا الغالي:
اللهم بلغنا رمضان الفضيل , الله يتمه علينا بالرحمه والغفران
فبلوغ شهر رمضان وصيامه نعمة عظيمة على المسلمين قد أتت أيام المصالحة,
وقد أقبلت أيام التجارة الرابحة, فهو خير المواسم على مر الزمان, فهنيئا للصائمين التائبين المرحومين
وقد قال رسول الله صلى الله عليه وسلم قال: (إذا كان أول ليلة من رمضان صفدت الشياطين ومردة الجان , وغلقت أبواب النار فلم يفتح منها باب
وفتحت أبواب الجنة فلم يغلق منها باب
ونادى مناد: يا باغي الخير أقبل , ويا باغي الشر اقصر , ولله عتقاء من النار , وذلك كل ليلة )
رواه الترمذي وقال غريب
وقوله صلى الله عليه وسلم ( من صام رمضان إيمانا واحتسابا غفر له ما تقدم من ذنبه )
متفق عليه
وأفضل أعمال الخير ما كانت في رمضان وأذكر منها:
1. الصدقة. إذ قال الرسول الكريم صلى الله عليه وسلم ( من فطر صائما فله أجره من غير أن ينقص من أجر الصائم شيء ) الترمذي
وكان الحبيب المصطفى أجود الناس بالخير , وكان أجود ما يكون في رمضان .
2. قيام الليل. إذ قال صلى الله عليه وسلم ( من قام رمضان إيمانا واحتسابا غفر له ما تقدم من ذنبه ) متفق عليه
وكان عليه أفضل الصلاة والسلام يحيى ليالي رمضان , وإذا كان العشر الأواخر أيقظ أهله.
3. تلاوة القرآن الكريم. كان صلى الله عليه وسلم يطيل القراءة في قيام رمضان أكثر مما يطيل في غيره
فقد صلى معه حذيفة ليلة فقرأ بالبقرة ثم آل عمران ثم النساء
وقد قال صلى الله عليه وسلم
( الصيام والقيام يشفعان للعبد يوم القيامة , يقول الصوم : رب منعته الطعام والشراب بالنهار
ويقول القرآن : منعته النوم بالليل فشفعنا به ) أحمد والنسائي
4. الاعتكاف. وهو ملازمة المسجد للعبادة تقربا إلى الله عز وجل
فقد اعتكف صلى الله عليه وسلم ولم يزل يعتكف العشر الأواخر من رمضان حتى توفاه الله تعالى كما ورد في الصحيح.
5. الاعتمار. فقد قال الرسول الكريم صلى الله عليه وسلم ( عمرة في رمضان تعدل حجة معي ) متفق عليه
أسأل من جلت قدرته وعلا شأنه وعمت رحمته أن يمنحنا من النعمة تمامها, ومن الرحمة شمولها, ومن العافيه دوامها, ومن العمل أصلحه, وأن يتقبل صالح اعمالنا في هذا الشهر الفضيل وأن يتغمدنا برحمته ويباعد عن وجوهنا النار
 | |
|
